Partnerët e koalicionit qeverisës në Maqedoni, VMRO-DPOMNE dhe Bashkimi Demokratik për Integrim (BDI) do të mbështesin njëra-tjetrën në raundin e dytë të zgjedhjeve lokale dhe presidenciale. Sipas një marrëveshje të bërë publike të mërkurën, partia shqiptare do të mbështesë kandidatin për president të VMRO-së, Gjorge Ivanov.
Marrëveshja mes udhëheëqsve të dy forcave politike, Nikolla Gruevski dhe Ali Ahmeti, është arritur vetëm dy ditë para se të përfundojë fushata.
Sipas saj, partia maqedonase do të mbështesë kandidatët e BDI-së në Tetovë dhe Gostivar, por jo në Strugë dhe në komunat tjera, ku kandidatët e kësaj partie janë në balotazh me kandidatë të partive të tjera politike shqiptare.
Comments
Post a Comment