Për shkak të mungesës së tregut të kapitalit në Kosovë afro 300 milionë eurot që ka mbledhur Trusti janë investuar në formë aksionesh në tregje të huaja.
Kriza mbarëbotërore ka bërë që çmimi i këtyre aksioneve të Trustit Pensional të Kosovës të bjerë dhe humbjet e vlerës llogariten në afro 100 milion euro.
Pas përfundimit të luftës në Kosovë ka filluar të praktikohet sistemi i Trustit Pensional të Kosovës. Ky sistem është një sistem i krijuar prej Bankës Botërore, i cili është praktikuar në disa vende të botës. Fillmisht ky sistem është praktikuar në vendet e Amerikës Latine dhe më vonë edhe në disa vende të Evropës. Po ç'rezultate ka treguar deri tani ky sistem?
"Ende është herët të themi se cilat janë rezultatet e këtij sistemi, sepse rezultatet mund të shihen vetëm në dhjetë apo 15 vitet e ardhshme. Është një sistem që kërkon kohë për të parë rezultatet, sepse natyra e sistemit është e tillë," - shpjegon për DW Adrian Zalli, drejtori i Trustit Pensional të Kosovës.
Comments
Post a Comment